اريد شرح طريقة القسمة اليدوية مثلا 243تقسيم3 =81
لكن اريد شرح الطريقة يدويا للأختبارات اللتي ممنوع فيها استخدام الآلة الحاسبة

 

 

القسمة المطولة تعتمد على اخذ الأرقام من العدد المراد قسمته من اليسار و النظر في قابليته للقسمة على العدد المطلوب القسمة عليه
فإن كان يقبل القسمة نضع ناتج القسمة في اعلى علامة القسمة المطولة ثم نكتب حاصل ضرب الناتج في المقسوم عليه تحت الرقم المراد قسمته بحيث يكون تحته بالضبط إي من اليسار ثم نطرح
و ننزل الأرقام المتبقيه في العدد الاساسي و نرى مدى قابلية العدد الجديد للقسمة على المقسوم و نتبع ما سبق إلى ان يتبقى لنا من ناتج القسمة صفر او عدد حاصل قسمته على المقسوم عليه 0
آمل ان تكوني فهمتي شيئا من اللف و الدوران السابق.... و طبقي هذه الطريقة على مثالك سيتضح لكي ان حاصل قسمة 2 على 3 0 و الباقي 2 أي لا بد ان تأخذي 24 و ليس 2 من العدد 243 و ستجدين أن حاصل القسنة 8 إكتبيه في أعلى علامة القسمة
ثم ( 8*3=24 ) أكتبي الناتج تحت ال24 الأصلية و اطرحي يتبقى صفر نزلي إليه 3 المتبقية من العدد الأصلي بحيث يكون الصفر على الشمال
حاصل قسمة 3 على 3 =1 أكتبيه على يمين الثمانية في الاعلى ( 1*3 =3) أكتبي الناتج تحت 3 التي نزلتيها سابقا و اطرحي يتبقى صفر و هكذا حاصل قسمة 243 على 3 هو 81


و اعتذر عن التقصير فالطريقة تحتاج توضيح بالرسم

 

 

أعذرني اخي الكريم فلم افهم شرحك

 

 

طيب انا بشرحلك بالتفصيل

243/3=81

في البدايه تحطي خط القسمه المعروف واللي يشبه الجذر

243 تحت و3 ع اليسار

نبدأ من اليسار لليمين
يعني 2 تقسيم 3 .. الجواب ما يصير يعني صفر
فتكون الصفر فوق رقم 2 (الرقم الاساسي 243)
نرجع نضرب الصفر في 3 (المقسوم عليه).. الجواب 0
فيكون الصفر تحت 2
نطرح الصفر من ال2 يطلع الجواب 2
(بالغالب الكل يتجاهل هالمرحله لكني حبيت اشرح اللي يصير بالضبط)

نرجع نشوف الجواب 2 على 3 ما يصير
اذن انزل الرقم الثاني اللي هو 4
بيصير 24 على 3.. الجواب 8
نكتبها فوق ال4 (الرقم الاساسي 243)
ونرجع نضرب الناتج 8 في 3 (المقسوم عليه)
يطلع الناتج 24.. نكتبها تحت ال24
الحين نطرح ال24 من ال24
يعطينا صفر
الصفر ما تنقسم ع ال3 ف انزل الرقم الثالث (ال3)
بيصير 3 على 3.. الجواب 1..
نكتبه فوق ال3 (الرقم الاساسي 243)
ونرجع نضربه في ال3 (المقسوم عليه)
يعطي الناتج 3
نكتبها تحت ال3 اللي تحت
ونطرحهم من بعض يطلع صفر

اذن الجواب اللي فوق الرقم الاساسي هو 81 والباقي اللي تحت وهو صفر

اتمنى تكوني فهمتيها